Mikel Arteta.
Martin Ödegaard.
Arsenal tapaði fyrir Bournemouth á heimavelli sínum í gær. Ekki gott veganesti fyrir seinni leikinn gegn Paris St-Germain í undanúrslitum Meistaradeildarinnar.
Sá leikur verður í París á miðvikudaginn en það er heldur betur verk að vinna fyrir Arsenal eftir 0-1 tap á heimavelli.
Sá leikur verður í París á miðvikudaginn en það er heldur betur verk að vinna fyrir Arsenal eftir 0-1 tap á heimavelli.
„Þetta tap gegn Bournemouth skapaði reiði, pirring, vonbrigði. Við getum notað það á miðvikudaginn. Við verðum að gera það," sagði Mikel Arteta, stjóri Arsenal, eftir tapið í gær.
Eftir að Bournemouth tók forystuna á 75. mínútu átti Arsenal ekki eina einustu marktilraun.
„Núna eftir að hafa horft á þennan leik þá getur maður ekki séð Arsenal vinna PSG," sagði sparkspekingurinn Rob Green í breska ríkisútvarpinu.
Martin Ödegaard, fyrirliði Arsenal, sagði við fjölmiðla að frammistaða Arsenal gegn Bournemouth hafi verið óásættanleg.
„Þetta eru gríðarleg vonbrigði. Mér fannst við byrja leikinn nokkuð vel og vorum með stjórnina en um leið og þeir skoruðu þá misstum við tökin. Við fundum aldrei taktinn eftir það. Þetta var of tilviljanakennt og dapurt. Seinni hálfleikurinn var ekki ásættanlegur," segir Ödegaard.
Athugasemdir
