Rándýrt lið Chelsea vann Sambandsdeildina í ár.
Evrópska fótboltasambandið er búið að sekta Chelsea og Aston Villa vegna brota á fjármálareglum UEFA á síðustu árum.
Chelsea þarf að greiða 27 milljónir punda í sekt en sú upphæð gæti hækkað ef félagið stendur ekki við greiðslurnar.
Chelsea gæti þurft að borga allt að 52 milljónir punda til viðbótar í sektargreiðslur ef félagið stendur ekki við samkomulag sem gert var við UEFA.
Aston Villa þarf þá að greiða 9,5 milljónir í sekt og gæti 13 milljónir til viðbótar bæst við ef félagið stendur ekki við samkomulagið.
Chelsea fær að greiða sektina sína yfir fjögurra ára tímabil, á meðan Aston Villa hefur þrjú ár til að greiða 9,5 milljónir.
Barcelona, Lyon og Roma voru einnig sektuð.
Athugasemdir
