Aron fór meiddur af velli þegar Al Arabi vann Al Khor í katörsku deildinni fyrr í kvöld.

Aron var sárkvalinn eftir tæklingu frá mótherja og þurfti að aka honum út af vellinum.

Það eru góð tíðindi að hann sé ekki ökklabrotinn, en hversu lengi hann verður frá, það á eftir að koma í ljós.

Framundan eru landsleikir gegn Frakklandi og Andorra í undankeppni EM 2020. Leikurinn gegn Frakklandi er eftir nákvæmlega viku. Aron er eins og allir vita gríðarlega mikilvægur íslenska landsliðinu.