Í átta leikja bann fyrir að bíta andstæðing

Milutin Osmajic sóknarmaður Preston North End í ensku Championship-deildinni hefur verið dæmdur í átta leikja bann af enska fótboltasambandinu fyrir að bíta Owen Beck, leikmann Blackburn, í hnakkann.

Beck, sem er á láni frá Liverpool, fékk rautt fyrir að sparka til Duane Holmes leikmanns Preston. Átök urðu í kjölfar brotsins þar sem Osmajic beit í Beck.

Þrátt fyrir að Beck reyndi að sýna dómurunum bitfarið á hnakkanum slapp Osmajic með gult spjald í leiknum sjálfum.