Bandarískir fjárfestar að kaupa hlut í Everton

Everton var á botni ensku úrvalsdeildarinnar þar til fyrir skömmu þegar Sean Dyche var ráðinn til að taka við knattspyrnustjórastarfinu af Frank Lampard. Núna er Everton í harðri fallbaráttu og ætlar Moshiri að gera allt í sínu valdi til að brúa bilið á milli sín og stuðningsmanna.

Liður í því er nýr heimavöllur sem Everton er að byggja og þá gæti fjárfesting bandaríska fjárfestafyrirtækisins MSP Sports Capital skipt sköpum fyrir framtíð félagsins. MSP Sports Capital er að ganga frá kaupum á hlut í Everton en Moshiri verður áfram meirihlutaeigandi.

Þá ætlar Moshiri að skipta út stjórn félagsins, sem hefur ekki verið að vinna sérlega gott starf ef stuðningsmenn eru spurðir, og taka öll nauðsynleg skref til að bæta gengi Everton.

Everton heimsækir Nottingham Forest í fallbaráttuslag í dag og getur komið sér af fallsvæðinu með sigri.