„Ég veit ekki hvað West Ham er undir stjórn Lopetegui“

Sutton segir að Lopetegui, sem tók við af David Moyes á liðnu sumri, sé undir mikilli pressu ef úrslitin fara ekki að batna.

„Ég veit ekki hvað West Ham er undir stjórn Lopetegui, það er vandamálið. Það er eins og hann sé fastur. Hann er staddur í rangri bíómynd," segir Sutton.

Forráðamenn West Ham voru í skýjunum þegar Lopetegui var ráðinn en liðið tapaði 3-0 gegn Nottingham Forest á laugardaginn og var það fimmta tap liðsins á tímabilinu. Sigurleikirnir hafa komið gegn Manchester United, Ipswich Town og Crystal Palace.

„Hann þarf tíma en maður sér ekki neina þróun vera í gangi, maður veit ekki fyrir hvað þeir standa og hann er búinn að eyða helling af peningum," segir Sutton.