Tíu sem gætu komið heim úr atvinnumennsku

Guðmundur Þórarinsson - Var orðaður við heimkomu til Íslands í Þungavigtinni á dögunum. Hann var orðaður við Val í slúðurpakkanum í október.

Ægir Jarl Jónasson - Gæti hann ákveðið að koma heim eftir að Jóhannes Karl Guðjónsson hætti sem þjálfari AB í Danmörku?

Jónatan Guðni Arnarsson - Átján ára sóknarmaður sem mörg íslensk félög hafa sýnt áhuga.

Arnór Ingvi Traustason - Líklegt að hann færi sig um set frá Norrköping. Er heimakoma til Íslands í kortunum?

Ari Leifsson - Fylkismaðurinn hefur spilað í Noregi og Danmörku frá 2020 en núna er spurning hvort að hann komi heim.

Elías Már Ómarsson - Er leikmaður Meizhou Hakka í Kína en félagið var að falla úr úrvalsdeildinni þar í landi. Elías hefur verið orðaður við uppeldisfélag sitt, Keflavík.

Danijel Dejan Djuric - Hefur heilt yfir lítið spilað í Króatíu og var orðaður við Íslansmeistara Víkings í slúðurpakkanum á dögunum.

Logi Hrafn Róbertsson - Er liðsfélagi Danijels í Króatíu og hefur heldur ekki spilað svakalega mikið. Það er ljóst að ef hann er fáanlegur, þá verður áhuginn á honum hér heima mikill.

Róbert Frosti Þorkelsson - Kom við sögu í þremur leikjum með GAIS í sænsku úrvalsdeildinni. Gæti verið fínt fyrir hann að koma aftur heim á láni.

Jason Daði Svanþórsson - Samningur hans við Grimsby rennur út eftir tímabilið. Félög hér heima eru með augastað á honum.