„Þetta er geggjað, hefðum viljað halda hreinu en það slysast svona eitt inn" sagði Sigrún Gunndís Harðardóttir varnarmaður Aftureldingar eftir 1-3 sigur liðsins gegn Gróttu á Seltjarnarnesi.
Lestu um leikinn: Grótta 1 - 3 Afturelding
Afturelding skoraði þrjú mörk í leiknum og fá á sig aðeins eitt mark og var Sigrún fámælt í svari sínu hvort þetta hafi ekki verið næstum fullkominn leikur.
„Þetta var mjög sterkt, bara mjög sterkt." Sigrún heldur áfram og segir um varnarleik liðsins, „Við erum ánægðar með þetta, þrjú stig og erum á toppnum."
„Við förum inn í alla leiki og við viljum þrjú stig, við erum hungraðar."
Afturelding situr á toppi Lengjudeildarinnar eftir 5 leiki með 13 stig og er Sigrún spurð hvort þær setja núna atlögu á að vinna deildina.
„Er það ekki markmiðið hjá öllum að vinna deildina?" Segir Sigrún og hlær.
Næsti leikur Aftureldingar er gegn Augnablik en fréttaritari gerir mistök í viðtali og segir Grindavík, undirritaður biðst velvirðingar á því en Sigrún svarar þá spurningunni um Grindavík frekar en Augnablik.
Viðtalið í heild sinni má finna í sjónvarpinu hér að ofan
Athugasemdir
