Logi Tómasson á Wembley.
Í þessum skrifuðu orðum er íslenska landsliðið að æfa á Wembley, leikvangnum magnaða þar sem England og Ísland mætast í vináttulandsleik annað kvöld.
Það er uppselt á leikinn, 90 þúsund áhorfendur munu fylla völlinn og um 600 Íslendingar mæta og taka Víkingaklappið.
Það er uppselt á leikinn, 90 þúsund áhorfendur munu fylla völlinn og um 600 Íslendingar mæta og taka Víkingaklappið.
Þrjár breytingar hafa verið gerðar frá upphaflega hópnum og nýju mennirnir þrír voru allir mættir á æfinguna; Sævar Atli Magnússon, Logi Tómasson og Valgeir Lunddal Friðriksson.
Orri Steinn Óskarsson, Mikael Egill Ellertsson og Hlynur Freyr Karlsson þurftu að draga sig út vegna meiðsla.
Þorvaldur Örlygsson formaður KSÍ er mættur til London og fylgdist með æfingunni ásamt starfandi framkvæmdastjóra og yfirmanni fótboltamála, Jörundi Áka Sveinssyni.
Á eftir verður fréttamannafundur þar sem Age Hareide og Jóhann Berg Guðmundsson munu sitja fyrir svörum á Wembley.
Sævar Atli Magnússon.
Valgeir Lunddal Friðriksson.
Þorvaldur Örlygsson formaður KSÍ.
Jörundur Áki Sveinsson.
Athugasemdir
