Afturelding hefur styrkt sig fyrir átökin í seinni hluta Lengjudeildar kvenna í sumar.
Afturelding hefur samið við hollenska kantmanninn Rachel Van Netten um að leika með liðinu út tímabilið hið minnsta.
Rachel kemur til liðsins frá Telstar í Hollandi en hún var þar á láni frá úrvalsdeildarliði VV Alkmaar. Hjá Telstar spilaði hún 29 leiki, skoraði 14 mörk og lagði upp sex. Þá lék hún sinn fyrsta leik í hollensku úrvalsdeildinni aðeins 17 ára að aldri.
„Rachel er fædd árið 2001, hún er teknískur leikmaður með góðan leikskilning og góð skot," segir í tilkynningu Aftureldingar.
„Afturelding bindur miklar vonir við Rachel og vill bjóða hana Welkom til félagsins!"
Afturelding situr sem stendur í öðru sæti Lengjudeildar kvenna.
Athugasemdir