Hinn 17 ára gamli Lennart Karl, leikmaður Bayern, reitti stuðningsmenn þýska liðsins til reiði þegar hann lét það út úr sér að honum dreymdi um að spila fyrir Real Madrid.
Hann er sóknarsinnaður miðjumaður en hann hefur sprungið út á þessu tímabili og komið að átta mörkum í 22 leikjum.
Max Eberl, yfirmaður fótboltamála hjá Bayern, tjáði sig um Karl.
„17 ára einstaklingur má gera mistök. Hann kom til okkar daginn eftir og sagði: 'Ég held að ég hafi sagt eitthvað sem var óviðeigandi'. Málinu er lokið af okkar hálfu, þetta var aldrei vandamál. Hann sýnir sig á vellinum," sagði Eberl.
Athugasemdir
