Freiburg og Bayer Leverkusen gerðu stórskemmtilegr 3-3 jafntefli á Europa-Park-vellinum í Freiburg.

Heimamenn komust tvisvar í forystu í fyrri hálfleiknum en glutruðu henni niður.

Martin Terrier kom Leverkusen yfir snemma í þeim síðari áður en Matthias Ginter bjargaði stigi fyrir Freiburg undir lok leiks. Leverkusen er í 6. sæti með 44 stig en Freiburg í 8. sæti með 34 stig.

Hoffenheim vann 4-2 sigur á botnliði Heidenheim. Austurríski miðjumaðurinn Alexander Prass skoraði tvö mörk fyrir Hoffenheim og þá komst Fisnik Asllani og Tim Lemperie einnig á blað. Luca Kerber skoraði bæði mörk botnliðsins.

Hoffenheim er í þriðja sæti deildarinnar með 49 stig en Heidenheim með 14 stig á botninum og stutt í að fall liðsins verði staðfest.

Mainz og Stuttgart skildu jöfn, 2-2. Deniz Undav skoraði og lagði upp fyrir Stuttgart.

Undav er annar markahæsti leikmaður deildarinnar með 15 mörk, en Stuttgart er í 4. sæti með 47 stig á meðan Mainz er í 14. sæti með 24 stig.

Sjálfsmark réði úrslitum í Leipzig er liðið vann 2-1 sigur á Augsburg.

Augsburg fór með eins marks forystu inn í hálfleikinn. Keven Schlotterbeck klikkaði á víti á 23. mínútu fyrir Augsburg áður en Robin Fellhauer sá til þess að koma gestunum í forystu undir lok hálfleiksins.

Í þeim síðari jafnaði Yan Diomande, einn sá allra eftirsóttasti í Evrópu, metin áður en Arthur Chaves stýrði fyrirgjöf Leipzig klaufalega í eigið net undir lok leiks.

Leipzig er í 5. sæti með 47 stig en Augsburg í 9. sæti með 31 stig.

Hamburger SV lagði þá Wolfsburg að velli, 2-1, þar sem öll mörkin kom úr vítaspyrnu.

Danski miðjumaðurinn Christian Eriksen kom Wolfsburg yfir á 22. mínútu úr vítaspyrnu en Luka Vuskovic jafnaði fyrir Hamburger ellefu mínútum síðar á hinum vítapunktinum.

Gestirnir fengu aðra vítaspyrnu snemma í síðari hálfleik og fór þá Jean-Luc Dompe á punktinn og tryggði Hamburger sigurinn.

Hamburger er í 10. sæti með 29 stig en Wolfsburg í næst neðsta sæti með 20 stig.

Heidenheim 2 - 4 Hoffenheim
0-1 Alexander Prass ('26 )
0-2 Alexander Prass ('45 )
0-3 Fisnik Asllani ('49 )
1-3 Luca Kerber ('63 )
1-4 Tim Lemperle ('78 )
2-4 Luca Kerber ('84 )

Freiburg 3 - 3 Bayer
1-0 Vincenzo Grifo ('34 )
1-1 Christian Kofane ('37 )
2-1 Yuito Suzuki ('43 )
2-2 Alejandro Grimaldo ('45 )
2-3 Martin Terrier ('52 )
3-3 Matthias Ginter ('86 )

RB Leipzig 2 - 1 Augsburg
0-0 Keven Schlotterbeck ('23 , Misnotað víti)
0-1 Robin Fellhauer ('39 )
1-1 Yan Diomande ('76 )
2-1 Arthur Chaves ('90 , sjálfsmark)

Wolfsburg 1 - 2 Hamburger
1-0 Christian Eriksen ('22 , víti)
1-1 Luka Vuskovic ('33 , víti)
1-2 Jean-Luc Dompe ('58 , víti)

Mainz 2 - 2 Stuttgart
1-0 Lee Jae Sung ('39 )
1-1 Ermedin Demirovic ('76 )
1-2 Deniz Undav ('77 )
2-2 Danny da Costa ('90 )