Íslenska drengjalandsliðið skipað leikmönnum 17 ára og yngri tapaði fyrir Ítalíu, 4-0, í öðrum leiknum í seinni umferðinni í undankeppni EM í dag.
Ísland tapaði fyrsta leiknum í seinni umferðinni fyrir Rúmeníu, 5-2, og annað tapið kom í dag.
Diego Perillo, leikmaður Empoli, skoraði tvö mörk og þá skoruðu þeir Thomas Corigliano, leikmaður Juventus, og Edoardo Biondini, liðsfélagi Perillo í Empoli, eitt.
Sigurður Breki Kárason, sem skoraði á dögunum í úrslitaleik Lengjubikarsins með KR og í leiknum gegn Rúmeníu, meiddist í byrjun leiksins í dag. Vondar fréttir fyrir KR-ingar svona rétt fyrir 1. umferð Bestu deildarinnar.
Síðasti leikur Íslands í riðlinum er gegn Portúgal á þriðjudag en sá leikur hefst klukkan 16:00.
