Fulham er aðeins með fjögur stig eftir átta fyrstu umferðir enska úrvalsdeildartímabilsins.
Liðið heimsótti West Ham í kvöld og lenti marki undir á 91. mínútu. Fulham fékk þó vítaspyrnu undir lok uppbótartímans og steig Ademola Lookman á vítapunktinn.
Hann ákvað að taka svokallaða Panenka-vítaspyrnu að hætti Antonin Panenka. Þá er knettinum vippað á mitt markið meðan markvörðurinn liggur varnarlaus eftir að hafa skutlað sér.
Þetta misheppnaðist herfilega hjá Lookman og varði Lukasz Fabianski auðveldlega. West Ham vann leikinn því 1-0.
Versta víti fótboltasögunnar?
— Síminn (@siminn) November 7, 2020
Ademola Lookmann fékk tækifæri til að jafna leikinn fyrir Fulham gegn West Ham í kvöld með flautumarki en var aðeins of svalur fyrir skólagöngu.
Sjón er sögu ríkari. pic.twitter.com/zYQgo1tjTB
Athugasemdir