Hannes: Seiglusigur ekkert verri en hvað annað

„Það er frábært að vinna, halda hreinu, gott veður og góð stemning. Við erum brosandi og það var gaman í dag," sagði Hannes eftir leikinn.

„Þetta var flott frammistaða finnst mér. Við spiluðum eftir aðstæðum, gerðum það sem þurfti og lokuðum leiknum. Þeir áttu ekkert í seinni hálfleik. Við gerðum þetta vel."

„Við eigum talsvert inni, en við kláruðum þetta og gerðum það sem skipti máli í dag. Það er gríðarlega mikilvægt að fá sigurtilfinninguna, fá víkingaklappið í gang, stemninguna í klefann og allt sem fylgir sigrinum. Við þurftum sigur. Seiglusigur er ekkert verri en hvað annað."

Umræða var fyrir leikinn hvort Hannes myndi mögulega missa sæti sitt í byrjunarliðinu. Það truflaði hann ekki.

„Það gerði það alls ekki. Ég vissi alveg hvar ég stóð og pældi ekkert í þessu," sagði Hannes.

„Það hefði verið mjög erfitt að fara inn í þriðjudaginn ef við hefðum ekki klárað þennan leik. Núna verðum við að taka allt þetta með okkur."

Viðtalið er í heild sinni hér að ofan.