Fótbolti.net

Nýliðinn í landsliðinu á leið í Harvard - „Það var alveg smá mál"

Gerðist fljótt eftir leikinn gegn Víkingi - „Meiri séns á að verða betri leikmaður"

Heiður að fá svona mörg símtöl - Fékk góða gjöf eftir skiptin

Sér ekki eftir fríinu í nóvember - Heimslistinn spilaði inn í

Arnar Gunnlaugs: Það lélegt að ég hef gríðarlegar áhyggjur

Jón Sveins: Vorum klaufar að skora ekki fleiri mörk

„Hef trú á því að ég geti orðið betri leikmaður undir þeirra stjórn"

Skrítnari hlutir gerst í fótboltanum - „KR er fortíðin"

Grátlegt að missa af síðustu landsleikjum - „Aldrei heyrt um svona meiðsli"

Óviss hvert svarið yrði - „Mamma grét og fannst þetta mjög gaman"

Heyrði smell í síðasta sprettnum - „Náði að búa til límonaði úr þessu"

Björn Bragi gefur út Krakkakviss fótboltaspil

Aron Jóhannsson: Um leið og hann hringdi var þetta aldrei spurning

Gerði samkomulag við Samma - „Búinn að vonast eftir þessu síðustu ár"

„Forréttindi að hafa haft tvær Chelsea goðsagnir sem þjálfara"

Birkir Valur: HK hjartað er sterkt og slær hart

Aron Bjarna: Erfitt að keppa við félögin sem eru með mun hærra budget

Lánið lykill að frábæru gengi Norrköping - „Besta sem ég gat gert"

Valgeir: Ef ég hefði farið þá hefði tækifærið hjá Örebro ekki komið

„Í draumaheimi? Þá kæmi draumatilboð og þá væri maður ekki áfram"

þri 08. nóvember 2022 21:52

@gummi_aa

Guðmundur Aðalsteinn Ásgeirsson
Kaplakrika

Heimir: Man ekki eftir því að ég hafi lent í þessu áður

Heimir Guðjónsson.

Mynd: Fótbolti.net - Hafliði Breiðfjörð

Heimir náði stórkostlegum árangri með FH á árum áður.

Mynd: Fótbolti.net - Hafliði Breiðfjörð

Heimir Guðjónsson var í kvöld staðfestur sem nýr þjálfari FH. Hann fékk höfðinglegar móttökur er hann mætti í Kaplakrika á stuðningsmannakvöldi FH-inga. Greinilegt er að stuðningsmenn eru glaðir að sjá hann aftur í Krikanum.

Er hægt að segja að Heimir sé kominn heim? „Við getum sagt það. Ég var hér í 18 ár og mér leið gríðarlega vel í félaginu. Þetta er geggjað félag. Það er frábært að vera kominn aftur."

„Aðdragandinn var mjög stuttur. Þau hringdu í mig í síðustu viku og við áttum góðan fund. Við fórum vel yfir stöðuna, liðið og svo framvegis. Við kláruðum þetta svo um helgina."

„Ég viðurkenni það að ég man ekki eftir því að ég hafi lent í þessu áður," sagði Heimir um fagnaðarlætin í salnum þegar hann gekk inn í kvöld. „Það var frábært að koma á þennan fund og ég viðurkenni að maður var auðmjúkur eftir á."

Heimir tekur við liðinu af Eiði Smára Guðjohnsen sem var sendur í leyfi undir lok síðustu leiktíðar eftir að hafa verið gripinn ölvaður undir stýri.

Sigurvin Ólafsson, sem stýrði FH undir lok síðasta tímabils eftir að Eiður fór í leyfi, verður aðstoðarmaður Heimis. Það var fjallað um það fyrr í dag að Eiður gæti snúið aftur úr leyfi og að Heimir yrði eins konar bráðabirgða þjálfari en svo verður ekki.

„Venni er frábær. Ég þjálfaði hann og við höfum spilað fótbolta saman. Við höfum svipaða sýn á fótbolta," sagði Heimir en hann og Venni eru í bumbubolta saman.

„Það hefur ekki gengið vel þegar ég þarf að dekka Venna. Ég er með mjög sterka leikmenn með mér og ég held enn að ég hafi vinninginn."

Það var tilkynnt í kvöld að Björn Daníel Sverrisson og Eggert Gunnþór Jónsson væru búnir að endursemja við félagið. Matthías Vilhjálmsson er enn samningslaus.

„Það er frábært að Bjössi og Eggert verði áfram. Þeir eru frábærir leikmenn. Matti Villa, ég talaði við hann í gærkvöldi. Ég er vongóður að hann verði áfram. Við þurfum að styrkja liðið, sérstaklega með leikmönnum á þessum millialdri. Ungir leikmenn fengu tækifæri í sumar og við þurfum líka að byggja ofan á það."

Heimir vinnur með Davíð Þór Viðarssyni, yfirmanni fótboltamála, að leikmannamálum. Davíð var leikmaður Heimis á árum áður.

„Það samstarf mun ganga vel. Ég þekki Davíð vel og hann þekkir mig vel," sagði Heimir en er hann vongóður um að fá þá leikmenn sem hann vill fá? „Já, annars þarf ég að reka Davíð," sagði Heimir léttur og hló.

Hér fyrir ofan má sjá viðtalið í heild sinni en þar ræðir Heimir meira um tímabilið í sumar og hvað þurfi að gerast svo þetta sigursæla félag vakni á nýjan leik. Hann er mættur aftur í Krikann og telur að það henti báðum aðilum.

Athugasemdir

Nýjustu fréttirnar