Hafrún Rakel Halldórsdóttir hefur framlengt samning sinn við danska félagið Bröndby til ársins 2027.
Hafrún Rakel er fædd árið 2002 en hún gekk til liðs við Bröndby frá Breiðabliki árið 2023. Bröndby er í 2. sæti dönsku deildarinnar, sex stigum á eftir Koge. Hafrún hefur spilað 14 leiki í deildinni og skorað sex mörk.
Hafrún er í landsliðshópnum sem mætir Úkraínu og Englandi í undankeppni HM í næstu viku.
Hún hefur spilað 17 landsleiki og skorað í þeim eitt mark.
