Það fóru fjórir leikir fram í efstu deild í Sádi-Arabíu í dag og í kvöld þar sem lærlingar Simone Inzaghi í liði Al-Hilal nældu sér í lífsnauðsynleg þrjú stig.
Al-Hilal er eina taplausa liðið í deildinni en stjörnurnar eru þrátt fyrir það fimm stigum á eftir toppliði Al-Nassr þegar fimm umferðir eru eftir af deildartímabilinu.
Sergej Milinkovic-Savic skoraði eina mark leiksins eftir undirbúning frá Theo Hernández. Fyrrum Serie A stjörnurnar tengdu vel saman til að leggja fallbaráttulið Damac að velli.
Rúben Neves, Malcom og Karim Benzema voru einnig meðal byrjunarliðsmanna Al-Hilal í dag.
Í öðrum leikjum dagsins klúðraði Alexandre Lacazette vítaspyrnu í jafnteflisleik Neom SC gegn Al-Hazem. Saïd Benrahma skoraði eina mark Neom í jafnteflinu en bæði lið sigla lygnan sjó um miðja deild.
Joshua King, fyrrum leikmaður Bournemouth, setti þá tvennu í þægilegum sigri Al-Khaleej gegn botnliði Al-Najma og að lokum gerðu Josh Brownhill og félagar í liði Al-Shabab jafntefli við Al-Fateh.
Al-Hilal 1 - 0 Damac
1-0 Sergej Milinkovic-Savic ('18)
Al-Shabab 1 - 1 Al-Fateh
Neom 1 - 1 Al-Hazem
Al-Khaleej 3 - 1 Al-Najma
