Sandi Putros, danski dómarinn sem dæmdi leik Stjörnunnar og Bohemian í Sambandsdeildinni í gær, varð fyrir því óláni að missa gula spjaldið sitt úr vasanum í miðjum leik í Garðabænum.
Hann tók ekki eftir því að hafa misst spjaldið en leikmaður írska liðsins tók það upp og hélt á því í nokkurn tíma á meðan leik stóð.
Hann tók ekki eftir því að hafa misst spjaldið en leikmaður írska liðsins tók það upp og hélt á því í nokkurn tíma á meðan leik stóð.
„Kómískt atvik áðan þegar dómari leiksins missti gula spjaldið á völlinn án þess að taka eftir því. Áfram gekk leikurinn en Ross Tierney, leikmaður Bohemian, tók svo spjaldið upp og spilaði með það í smá tíma áður en hann fékk færi á að skila því aftur til Putros dómara," sagði í textalýsingu leiksins.
„Væntanlega mínus á Putros í skýrslu eftirlitsmannsins."
Þess má annars geta að Putros dómari hefur áður dæmt hér á Íslandi, það var 2-2 leikur milli Selfoss og Fjarðabyggðar í 1. deildinni sumarið 2015. Þá kom hann hingað í skiptidómaraverkefni.
Leikur Stjörnunnar og Bohemian endaði með 1-1 jafntefli en liðin mætast að nýju í Dublin næsta fimmtudag.
Athugasemdir