Schjelderup hér í leik með Nordsjælland.
Spilar í dag með Benfica.
Norski landsliðsmaðurinn Andreas Schjelderup segir í færslu á samfélagsmiðlinum Instagram að hann reikni með því að fá skilorðsbundinn fangelsisdóm á næstunni.
Schjelderup segist hafa gert slæm mistök fyrir tveimur árum, þegar hann var 19 ára gamall. Hann hafi þá deilt áfram kynferðslegu myndbandi af tveimur strákum sem voru undir lögaldri.
Schjelderup segist hafa gert slæm mistök fyrir tveimur árum, þegar hann var 19 ára gamall. Hann hafi þá deilt áfram kynferðslegu myndbandi af tveimur strákum sem voru undir lögaldri.
Schjelderup var leikmaður Nordsjælland í Danmörku á þessum tíma. Hann spilar í dag með Benfica í Portúgal og norska landsliðinu.
„Núna verð ég að takast á við afleiðingar þessara mistaka," skrifar Schjelderup.
Hann segist hafa fengið stutt myndband í hendurnar. Samkvæmt útskýringu Schjelderup þá hafi hann bara séð fyrstu sekúndurnar og vissi ekki hvað myndi svo gerast í því - það hafi líka verið í mjög slæmum gæðum. Hann hafi svo deilt því áfram til vinar síns án þess að hugsa sig tvisvar um.
Danska lögreglan hafði samband við Schjelderup fyrr á þessu ári og hefur hann unnið með henni að rannsókn málsins.
„Ég var kærður fyrir glæp og verð líklega sakfelldur í náinni framtíð. Ég mun líklega fá skilorðsbundinn dóm," segir norski landsliðsmaðurinn.
Ståle Solbakken, landsliðsþjálfari Noregs, segir að Schjelderup hafi augljóslega gert heimskuleg mistök en hann er fullviss um að hann muni læra af þeim.
Athugasemdir
