„Þetta súmmerar upp fyrstu 16 leiki deildarinnar," sagði Declan Rice, miðjumaður West Ham, eftir 1-3 tap gegn Arsenal í nágrannaslag í kvöld.

West Ham komst yfir en Arsenal jafnaði á tíu mínútna kafla í seinni hálfleik. „Í fyrri hálfleik komumst við yfir og pirruðum þá. Í seinni hálfleik skora þeir tvö mörk á sex mínútum. Við missum af tækifærinu að færa okkur upp töfluna."

„Þetta brýtur mann niður. Við erum rusl þessa stundina. Þegar við fáum á okkur eitt mark verðum við að halda höfðinu uppi. Við hefðum getað komið í veg fyrir þessi mörk, alltaf sömu mistökin."

„Við viljum vinna leiki og gleðja stuðningsmennina. Núna verðum við að standa saman og sigra næstu leiki."

Rice var einnig spurður út Manuel Pellegrini, stjóra West Ham í viðtali við Sky Sports eftir leik.

„Stjórinn er frábær, leikmenn elska hann. Við æfðum vel í vikunni og stundum verður að spyrja að því af hverju við náum ekki að sýna okkar rétta inn á vellinum."

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit