„Sáttur með þrjú stig en spilamennskan var ekki góð. Sáttur en óánægður með margt hjá okkur," sagði Hallgrímur Mar Steingrímsson, leikmaður KA, eftir sigur liðsins á ÍBV í Bestu deildinni í dag.
Lestu um leikinn: KA 2 - 0 ÍBV
„Við vorum eftir á í pressunni og lélegir á boltanum, smá eins og það væri stress. Ég nenni svo sem ekki að pæla í því lengur, er búinn að pirra mig á því í nokkrar mínútur. Þrjú stig komin á töfluna allavega. Ég ætla ekki að vera ógeðslega fúll í þessu viðtali en tveir sigrar í röð sem er mjög gott. Erum komnir í topp sex, við ætlum að halda okkur þar."
Hann skoraði fyrra mark KA. Boltinn barst til hans eftir að Ari i Haraldstovu Petersen, markvörður ÍBV, hreinsaði boltann frá.
„Ég sá að Oliver var í baráttu við markmanninn og sá að hann lá eftir. Boltinn datt beint fyrir framan mig og ég vissi að markið var autt. Ég lét bara vaða og það heppnaðist."
Besta karla
| Lið | L | U | J | T | Mörk | mun | Stig |
|---|
