Ítalía: Atalanta jafnaði Napoli að stigum á toppi deildarinnar

Atalanta jafnaði Napoli að stigum á toppi deildarinnar þegar liðið vann Udinese í dag en Napoli á leik til góða gegn Inter í kvöld.

Udinese komst yfir í uppbótatíma í fyrri hálfleik þegar Hassane Kamara skoraði með frábæru skoti fyrir utan vítateiginn.

Mario Pasalic jafnaði metin eftir tíu mínútna leik í seinni hálfleik og stuttu síðar náði Atalanta forystunni en það var Isaak Toure sem varð fyrir því óláni að skora sjálfsmark þegar hann var að reyna koma í veg fyrir fyrirgjöf.

Þetta var sjötti sigur Atalanta í röð í deildinni en Udinese heefur tapað þremur leikjum í röð.