Nuno Espírito Santo þjálfari Nottingham Forest svaraði spurningum eftir 2-2 jafntefli gegn Leicester City í ensku úrvalsdeildinni í dag.
Liðin mættust í nágrannaslag þar sem mikið var undir fyrir heimamenn í Nottingham en ekkert nema stoltið fyrir þegar föllnu gestina úr Leicester.
„Þetta er erfiður dagur fyrir okkur alla, við vorum betra liðið á vellinum en gerðum varnarmistök til að leyfa Leicester að jafna undir lokin. Okkur leið eins og við værum við stjórn allan tímann og það er mjög sárt að fá ekki öll þrjú stigin," sagði Nuno.
Nottingham Forest er í óvæntri baráttu um Meistaradeildarsæti en gengi liðsins hefur verið slappt undanfarnar vikur. Lærisveinar Nuno hafa aðeins nælt sér í fimm stig af síðustu fimmtán mögulegum.
„Ég veit ekki hver ástæðan er bakvið þetta. Það er hægt að giska á hluti eins og kvíða eða taugar en leikmennirnir sýna það ekki á yfirborðinu. Framtíðin er ekki lengur í okkar höndum eftir þetta tap, núna þurfum við að sigra þá leiki sem eru eftir og treysta á að önnur lið misstígi sig. Við erum að vinna hörðum höndum að því að greina vandann og leysa hann. Þetta er virkilega svekkjandi jafntefli.
„Við megum samt ekki taka neitt af Leicester, þetta er flott lið með mikið af gæðamiklum leikmönnum. Þeir sýndu sitt rétta andlit í dag og voru mjög erfiðir viðureignar."
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 36 | 25 | 8 | 3 | 83 | 37 | +46 | 83 |
| 2 | Arsenal | 36 | 18 | 14 | 4 | 66 | 33 | +33 | 68 |
| 3 | Newcastle | 36 | 20 | 6 | 10 | 68 | 45 | +23 | 66 |
| 4 | Man City | 36 | 19 | 8 | 9 | 67 | 43 | +24 | 65 |
| 5 | Chelsea | 36 | 18 | 9 | 9 | 62 | 43 | +19 | 63 |
| 6 | Aston Villa | 36 | 18 | 9 | 9 | 56 | 49 | +7 | 63 |
| 7 | Nott. Forest | 36 | 18 | 8 | 10 | 56 | 44 | +12 | 62 |
| 8 | Brentford | 36 | 16 | 7 | 13 | 63 | 53 | +10 | 55 |
| 9 | Brighton | 36 | 14 | 13 | 9 | 59 | 56 | +3 | 55 |
| 10 | Bournemouth | 36 | 14 | 11 | 11 | 55 | 43 | +12 | 53 |
| 11 | Fulham | 36 | 14 | 9 | 13 | 51 | 50 | +1 | 51 |
| 12 | Crystal Palace | 36 | 12 | 13 | 11 | 46 | 48 | -2 | 49 |
| 13 | Everton | 36 | 9 | 15 | 12 | 39 | 44 | -5 | 42 |
| 14 | Wolves | 36 | 12 | 5 | 19 | 51 | 64 | -13 | 41 |
| 15 | West Ham | 36 | 10 | 10 | 16 | 42 | 59 | -17 | 40 |
| 16 | Man Utd | 36 | 10 | 9 | 17 | 42 | 53 | -11 | 39 |
| 17 | Tottenham | 36 | 11 | 5 | 20 | 63 | 59 | +4 | 38 |
| 18 | Ipswich Town | 36 | 4 | 10 | 22 | 35 | 77 | -42 | 22 |
| 19 | Leicester | 36 | 5 | 7 | 24 | 31 | 78 | -47 | 22 |
| 20 | Southampton | 36 | 2 | 6 | 28 | 25 | 82 | -57 | 12 |
Athugasemdir
