Norsku útskriftarnemarnir.
Stelpurnar okkar gerðu jafntefli við Noreg í kvöld.
Það var svolítið furðuleg stemning á Lerkendal leikvanginum í Þrándheimi í kvöld þegar Ísland gerði jafntefli við Noreg í Þjóðadeild kvenna.
Í einni stúkunni hafði rauðklæddur hópur komið sér saman með hátalara. Svo virðist sem um einhvers konar útskriftarhóp hafi verið að ræða, eða eitthvað í þá áttina. Þetta minnti að minnsta kosti á dimmiteringahóp á Íslandi.
Í einni stúkunni hafði rauðklæddur hópur komið sér saman með hátalara. Svo virðist sem um einhvers konar útskriftarhóp hafi verið að ræða, eða eitthvað í þá áttina. Þetta minnti að minnsta kosti á dimmiteringahóp á Íslandi.
Lestu um leikinn: Noregur 1 - 1 Ísland
Einhvern veginn smygluðu þau hátalaranum inn á völlinn og þegar leikurinn var nýbyrjaður, þá byrjuðu þau að spila alls konar tónlist.
Á meðal laga sem þau spiluðu voru Waga Waga með Shakiru, Run the World (Girls) með Beyonce og Sweet Caroline með Neil Diamond.
Það sem var kannski skrítnast í þessu var að þetta var ekki stoppað af vallarstarfsmönnum, en það er vanalega ekki leyfilegt á fótboltaleikjum að mæta með hátalara og spila tónlist allan leikinn. Þau voru líklega með eitthvað magn áfengis í blóðinu, það er allavega gisk fréttaritara miðað dansinn sem þau tóku með lögunum.
„Ég varð var við einhverja tónlist þarna. Mér fannst það mjög sérstakt að þú fengir að vera á vellinum og spila tónlist fyrir aftan markið hjá okkur. Það var mjög áhugavert," sagði Þorsteinn Halldórsson, landsliðsþjálfari, eftir leikinn í kvöld.
„Mér fannst þetta mjög sérstakt."
Hægt er að skoða myndband frá vellinum á Instagram síðu Fótbolta.net.
Athugasemdir
