Fótboltafréttamaðurinn Fabrizio Romano greinir frá því að Pepijn Lijnders sé að ganga í nýtt starf sem aðstoðarþjálfari Pep Guardiola hjá Manchester City.
Pep Lijnders var álitinn vera hægri hönd Jürgen Klopp hjá Liverpool og hætti hann hjá félaginu á sama tíma og Klopp.
Lijnders var ráðinn sem aðalþjálfari RB Salzburg á meðan Klopp var ráðinn sem yfirmaður fótboltamála hjá Red Bull samsteypunni.
Lijnders entist ekki lengi í starfinu hjá Salzburg, eða aðeins í um sex mánuði, og er núna á leið til Manchester.
Lijnders mun starfa undir stjórn Guardiola þar og er Kolo Touré, fyrrum varnarmaður Arsenal og Man City, einnig á leið til félagsins.
Touré hefur áður starfað sem partur af þjálfarateyminu hjá Celtic og Leicester. Þá tók hann við stjórastarfinu hjá Wigan Athletic í nóvember 2022 en entist aðeins í tvo mánuði.
Touré og Lijnders eiga að hjálpa til við að fylla í skörðin sem Juanma Lillo, Inigo Dominguez og Carlos Vicens skilja eftir sig í þjálfarateyminu.
Athugasemdir
