„Ömurleg frammistaða. Við þurfum eitthvað að vinna í okkar málum," sagði Árni Freyr Guðnason, þjálfari Fylkis, eftir tap gegn Þór í Lengjudeildinni í kvöld.
Lestu um leikinn: Þór 4 - 1 Fylkir
„Grunnurinn var ekki nógu góður. Unnum ekki návígi og seinni bolta, þá vinnur þú aldrei fótboltaleik."
Árni fékk að líta gula spjaldið undir lok leiksins.
„Ég átti að hafa hemil á bekknum, það var ekki ég sem gerði neitt, það voru bara hinir sem gerðu eitthvað," sagði Árni.
Fylkir féll úr Bestu deildinni síðasta sumar en hefur aðeins safnað fimm stigum úr fyrstu fimm umferðunum í Lengjudeildinni.
„Við erum ekki með nógu mörg stig, það gefur augaleið, við ætluðum okkur meira. Sem betur fer er nóg eftir, það er bara að halda áfram," sagði Árni.
Athugasemdir
