Graham Potter stýrði West Ham United til sigurs á Old Trafford í dag, þegar Hamrarnir heimsóttu Manchester United í ensku úrvalsdeildinni.
West Ham stekkur upp úr 17. sæti ensku úrvalsdeildarinnar og klifrar yfir bæði Man Utd og Tottenham á stöðutöflunni með þessum sigri. Þetta er fyrsti sigur West Ham síðan í febrúar, en liðið hafði tapað fjórum sinnum og gert fjögur jafntefli í síðustu átta leikjum sínum fyrir daginn í dag.
„Stundum tölum við þjálfarar mikið um frammistöður en úrslit eru líka mjög góð. Við höfum átt mjög erfitt uppdráttar að undanförnu og eru þessi úrslit frábær í því samhengi. Strákarnir sýndu sitt rétta andlit, þeir sýndu hvað þarf að gera til að sigra fótboltaleik og er niðurstaðan frábær dagur fyrir alla sem tengjast West Ham United," sagði Potter eftir lokaflautið.
„Það er alltaf hægt að tala um taktík en þegar allt kemur til alls snýst þetta um hugarfar leikmanna. Þetta snýst um metnað, sigurvilja og liðsheild. Við höfum getuna til að ná langt, við þurfum bara að halda áfram að vinna í undirstöðuatriðunum."
Miðjumaðurinn Tomas Soucek skoraði annað markanna í 0-2 sigri og tileinkaði nýfæddum syni sínum.
„Ég er svo stoltur af því hvernig við spiluðum í dag. Við áttum svipaða frammistöðu í síðustu viku en tókst því miður ekki að sigra. Í dag fáum við stigin þrjú og mér finnast þau vera fyllilega verðskulduð. Við börðumst allir saman, pressuðum vel og sýndum mikið hugrekki," sagði Soucek.
„Eitt af því mikilvægasta við minn leik er að vera á réttum stað á réttri stundu og það heppnaðist í dag. Fyrir þremur dögum fæddist sonur minn og ég vil tileinka honum þetta mark."
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 36 | 25 | 8 | 3 | 83 | 37 | +46 | 83 |
| 2 | Arsenal | 36 | 18 | 14 | 4 | 66 | 33 | +33 | 68 |
| 3 | Newcastle | 36 | 20 | 6 | 10 | 68 | 45 | +23 | 66 |
| 4 | Man City | 36 | 19 | 8 | 9 | 67 | 43 | +24 | 65 |
| 5 | Chelsea | 36 | 18 | 9 | 9 | 62 | 43 | +19 | 63 |
| 6 | Aston Villa | 36 | 18 | 9 | 9 | 56 | 49 | +7 | 63 |
| 7 | Nott. Forest | 36 | 18 | 8 | 10 | 56 | 44 | +12 | 62 |
| 8 | Brentford | 36 | 16 | 7 | 13 | 63 | 53 | +10 | 55 |
| 9 | Brighton | 36 | 14 | 13 | 9 | 59 | 56 | +3 | 55 |
| 10 | Bournemouth | 36 | 14 | 11 | 11 | 55 | 43 | +12 | 53 |
| 11 | Fulham | 36 | 14 | 9 | 13 | 51 | 50 | +1 | 51 |
| 12 | Crystal Palace | 36 | 12 | 13 | 11 | 46 | 48 | -2 | 49 |
| 13 | Everton | 36 | 9 | 15 | 12 | 39 | 44 | -5 | 42 |
| 14 | Wolves | 36 | 12 | 5 | 19 | 51 | 64 | -13 | 41 |
| 15 | West Ham | 36 | 10 | 10 | 16 | 42 | 59 | -17 | 40 |
| 16 | Man Utd | 36 | 10 | 9 | 17 | 42 | 53 | -11 | 39 |
| 17 | Tottenham | 36 | 11 | 5 | 20 | 63 | 59 | +4 | 38 |
| 18 | Ipswich Town | 36 | 4 | 10 | 22 | 35 | 77 | -42 | 22 |
| 19 | Leicester | 36 | 5 | 7 | 24 | 31 | 78 | -47 | 22 |
| 20 | Southampton | 36 | 2 | 6 | 28 | 25 | 82 | -57 | 12 |
Athugasemdir
