HK og Valur mættust í Kórnum í kvöld í leik sem endaði með 5-0 sigri Vals og segir Ómar Ingi Guðmundsson þjálfari HK það svíða mikið.
,Auðvitað gerir það það. Sérstaklega einhverneigin framlagsmunurinn á fyrri og seinni hálfleik það svíður mikið"
Lestu um leikinn: HK 0 - 5 Valur
Ómar Ingi Guðmundsson var ánægður með fyrri hálfleikinn hjá HK liðinu.
„Mér fannst við verjast vel og gerðum það sem við lögðum upp með fyrir leik. Náðum samt að skapa okkur færi og jafnvel nógu góð til þess að skora og jafnvel betri færi en Valsmenn í fyrri hálfleik þó að þeir hefðu líklega verið aðeins meira með boltann að þá fannst mér við bara spila fyrri hálfleikinn vel þannig ég var ánægður með fyrri hálfleikinn."
„Leikurinn var game over þegar þú færð á þig þrjú mörk á fimmtán mínútum á móti liði eins og Val þá er það bara þannig og það er orðið helvíti erfitt að koma sér uppúr því. Ekki nóg með það að vera 4-0 undir á móti þeim heldur líka eins og ég segi að fá þrjú mörk í andlitið á svona stuttum tíma. Við grófum okkur í helvíti djúpa holu þar."
Framundan er landsleikjahlé og var Ómar Ingi spurður hvernig hann lýtur á stigasöfnunina þegar deildin er rétt tæplega hálfnuð.
„Bara þokkalega. 13.stig í ellefu leikjum, bara fínt og örugglega betra en margir bjuggust við en kannski minna en við hefðum vilja vera þegar við horfum á þessa ellefu leiki til baka og við þurfum alveg klárlega að gera jafn vel og líklega betur í næstu ellefu leikjum ef við ætlum að ná markmiðunum okkar í deildinni."
