Óskar Hrafn Þorvaldsson, þjálfari KR, að skoða gögnin.
KR-ingar töpuðu í úrslitum Lengjubikarsins á vægast sagt svekkjandi máta, 4-3 í vítaspyrnukeppni.
„Mér fannst við vera frábærir sóknarlega og varnarlega þangað til við missum Arnar Frey af velli og leikurinn breytist eftir það. Mér fannst við vera flýta okkur of mikið með boltann og það datt aðeins takturinn úr liðinu.''
„Mér fannst við vera frábærir sóknarlega og varnarlega þangað til við missum Arnar Frey af velli og leikurinn breytist eftir það. Mér fannst við vera flýta okkur of mikið með boltann og það datt aðeins takturinn úr liðinu.''
Lestu um leikinn: Fylkir 8 - 7 KR
KR-ingar fengu á sig mark á 95. mínútu en voru fljótir að jafna á 97. mínútu með marki frá Sigurði Breka.
„Við sýndum mikinn karakter eftir að hafa fengið á okkur þetta mark í lokin og það er mjög dýrmætt fyrir liðið að sjá það að það er ekkert búið fyrr en það er búið og þú játar þig ekki sigraðan fyrr en það er flautað af.''
Í seinustu ótímabæru spá Bestu Deildarinnar er KR-ingum spáð 6. sæti. Óskar var spurður út í það.
„Ég hef fullan skilning á því að okkur sé spáð 6. sæti. Við vorum í 10. sæti í fyrra og áttum frábæra kafla en gerðum okkur seka um að detta niður inn á milli og okkur vantaði stöðugleika. Verkefnið okkar þetta sumar er að ná í þennan stöðugleika, hvort sem það er fótboltalegur eða andlegur stöðugleiki. Það er erfitt að setja stefnuna á eitthvað sæti vegna þess að þegar þú setur saman sæti þá ertu farinn að tala um margar breytur sem þú hefur ekki stjórn á. Það er hollast fyrir okur að einbeita okkur að okkur sjálfum. Við höfum sett okkur innri markmið og það er alveg ljóst að KR fer í hvern einasta leik til að vinna hann og þannig er lífið í Vesturbænum.''
