Macclesfield mætir Brentford
Dregið var í 4. umferð enska bikarsins í kvöld en utandeildarlið Macclesfield, sem vann óvæntan sigur á bikarmeisturum Crystal Palace í síðustu umferð, mætir öðru úrvalsdeildarliði.
Macclesfield var sett á laggirnar árið 2020 skömmu eftir að Macclesfield Town fór í gjaldþrot.
Sigur Macclesfield á Palace var sögulegur og ætlar félagið að halda áfram að skrifa söguna en það mun mæta Brentford í 4. umferðinni.
Arsenal tekur á móti Wigan á meðan Manchester City mun spila við Salford eða Swindon.
Aston Villa mætir Newcastle United í eina úrvalsdeildarslag umferðarinnar. Chelsea heimsækir Hull og þá mun Liverpool eða Barnsley spila við Brighton.
Ef Liverpool vinnur Barnsley í kvöld verða úrvalsdeildarslagirnir tveir í 4. umferð.
Alfons Sampsted, Willum Þór Willumsson og félagar í Birmingham mæta Leeds og þá gæti Jason Daði Svanþórsson spilað með Grimsby Town gegn Wolves.
Allir leikirnir eru spilaðir helgina 14. - 15. febrúar.
Drátturinn:
1 Liverpool/ Barnsley - Brighton & Hove Albion
2 Stoke City - Fulham
3 Oxford United - Sunderland
4 Southampton - Leicester City
5 Wrexham - Ipswich Town
6 Arsenal - Wigan Athletic
7 Hull City - Chelsea
8 Burton Albion - West Ham United
9 Burnley - Mansfield Town
10 Norwich City - West Bromwich Albion
11 Port Vale - Bristol City
12 Grimsby Town - Wolverhampton Wanderers
13 Aston Villa - Newcastle United
14 Manchester City - Salford City eða Swindon Town
15 Macclesfield - Brentford
16 Birmingham City - Leeds United
Athugasemdir
