Florian Wirtz og Hugo Ekitike voru sprækir
Varamennirnir Florian Wirtz og Hugo Ekitike náðu góðri tengingu í 4-1 sigri Liverpool á Barnsley í 3. umferð enska bikarsins í kvöld, en Dominik Szoboszlai var bæði hetja og skúrkur að mati Goal.
Ekitike fær 8 í einkunn frá Goal og var hæstur hjá miðlinum, en Wirtz kom næstur á eftir með 7 ásamt nokkrum öðrum.
Wirtz skoraði eftir stoðsendingu frá Ekitike í síðari hálfleiknum og endurlaunaði Wirtz greiðann með því að leggja upp fyrir franska framherjann nokkrum mínútum síðar.
Szoboszlai skoraði frábært mark snemma leiks, en gerði síðan hræðileg mistök undir lok fyrri hálfleiksins og var heppinn að fá ekki á sig vítaspyrnu í síðari hálfleiknum. Hann fær engu að síður 7 í einkunn frá Goal enda framlag hans nokkuð gott fyrir utan þessi tvö atriði.
Einkunnir Liverpool: Mamardashvili (6), Frimpong (7), Van Dijk (6), Gomez (5), Robertson (6), Mac Allister (6), Szoboszlai (7), Jones (6), Chiesa (5), Gakpo (6), Ngumoha (7).
Varamenn: Wirtz (7), Ekitike (8), Konate (7).
Athugasemdir
