Conor Hourihane, stjóri Barnsley
Conor Hourihane, stjóri Barnsley, var ótrúlega stoltur af frammistöðu sinna manna í 4-1 tapinu gegn Liverpool í enska bikarnum í kvöld, en segist vonsvikinn með Dominik Szoboszlai.
Liverpool kom sér í þægilega 2-0 stöðu í fyrri hálfleiknum en komust inn í leikinn eftir mistök Dominik Szoboszlai.
Hann reyndi hælsendingu á Giorgi Mamardashvili í teignum sem misheppnaðist og náði Adam Phillips að nýta sér mistök hans og skora.
Hourihane var ekki ánægður að sjá þetta frá Szoboszlai og sakaði hann um að sýna liði sínu vanvirðingu.
„Við fengum okkar færi og auðvitað skoruðum sem minnkaði muninn í 2-1. Ég var samt svolítið vonsvikinn með markið sem við skoruðum því ég held að Szoboszlai myndi ekki gera þetta gegn Chelsea, Arsenal, Man City og hvað þá í Meistaradeildinni.“
„Þannig ég er svolítið vonsvikinn með þetta, en annars fannst mér strákarnir frábærir,“ sagði hann í lokin.
Szoboszlai baðst afsökunar á mistökum sínum í viðtali eftir leikinn, en þó aðeins liðsfélaga sína enda opnaðist leikurinn eftir þetta mark og gaf Barnsley von í byrjun síðari.
„Enn og aftur vil ég biðja liðsfélaga mína afsökunar á þessu. Ég gerði okkur erfitt fyrir. Þetta voru auðveld mistök myndi ég segja, en svona er fótboltinn og bara áfram gakk,“ sagði Ungverjinn eftir leikinn.
Athugasemdir
