„Mér líður mjög vel. Frábær sigur. Karakter að lenda undir og koma til baka. Gjörsamlega tökum yfir þennan leik í seinni hálfleik, mér fannst við fyrstu 25-30 mínúturnar í seinni hálfleiknum bara vera miklu betri aðilinn. Svo missum við aðeins tökin á þessu. Veit ekki alveg afhverju, það kom kannski smá skjálfti í okkur. Það var smá skjálfti í okkur í fyrri hálfleik en svo tökum við yfir fyrstu 25-30 mínúturnar í seinni hálfleik sem skóp þennan sigur.“ sagði Sigurður Heiðar Höskuldsson, þjálfari Þórs, eftir hádramatískan 2-1 sigur á Þór í kvöld.
Lestu um leikinn: Valur 1 - 2 Þór
Hermann Hreiðarsson, þjálfari Vals, sagði eftir leik að Valur hafi stýrt leiknum frá A til Ö, Sigurður var spurður eftir leik hvort hann sé sammála þeim ummælum.
„Hann má alveg halda það, það er bara fínt ef hann heldur að Valur hafi stýrt leiknum frá A til Ö, það er bara geggjað.“
Aron, markmaður Þórs, gerði sig sekan um mistök í marki Valsmanna í dag. Markvarðastaða Þórs hefur verið mikið milli tannana á fólki fyrir mót en Sigurður segist ekki þurfa annan markmann.
„Fá inn annan markmann? Svo sannarlega ekki. Ég held að hann hafi verið okkar besti leikmaður í allan vetur. Hann var bara stórkostlegur. Spyrnurnar hans eru geggjaðar, hann er geggjaður leiðtogi og fyrirmynd. Hann kemur hérna á stóra sviðið í fyrsta leik og gerir ein mistök, hann er geggjaður gæi og ég þyrfti að vera eitthvað ruglaður til að fara og skipta um markmann.“
„Mér líst ótrúlega vel á þetta. Ég hef alveg svakalega trú á þessum hóp og svakalega trú á því sem við erum að gera og stöndum fyrir. Ég er bara gífurlega spenntur fyrir framhaldinu. Það er bara fínt ef fólk er að efast um okkur.“ sagði Sigurður Heiðar, þjálfari Þórs, eftir leik.
Viðtalið má sjá í heild sinni í spilaranum hér að ofan.
