Valsmenn töpuðu fyrir Þór í dag 2-1 í opnunarumferð Bestu deildarinnar. Hermann Hreiðarsson, þjálfari Vals, kom í viðtal eftir tap Valsmanna og ræddi um þessa byrjun á Bestu deildinni.
Lestu um leikinn: Valur 1 - 2 Þór
Hemmi segir að Valsmenn hafi stýrt leiknum frá A til Ö.
„Mér líður ömurlega, auðvitað er alltaf hægt að tala um hvort þetta hafi verið sanngjarnt eða ekki sanngjarnt en við stýrðum þessum leik frá A til Ö. Okkur leið vel á vellinum en nýtum stöðurnar illa og lokasendingarnar. Svo erum við í áhlaupum sem við nýttum illa, þá færð þú þetta oft í hnakkann.“
Áfram talar Hermann um að Valsmenn höfðu stýrt leiknum frá A til Ö og komist í frábærar stöður.
„Mér fannst þetta vera mjög sterk frammistaða, við stjórnuðum þessum leik frá A til Ö. Við komumst í þær stöður sem við vildum komast í en fórum bara illa með þessar frábæru stöður, ef við hefðum farið vel með þær hefði þetta verið frábær dagur fyrir okkur.“
Hvað er það sem Valsmenn þurfa að gera til að snúa svona úrslitum í sigra?
„Þetta er fyrsti leikurinn í mótinu. Frammistaðan var jákvæð og við komumst í þær stöður sem við vildum. En svo eru það bara gæðin á seinasta þriðjung sem við þurfum að láta telja. Ég var ánægður með mjög mikið í dag, við getum bara byggt ofan á þessa frammistöðu. Við komumst í frábærar stöður í dag sem við þurfum að láta telja en við gerðum það ekki í dag.“ sagði Hermann.
Viðtalið í heild sinni má sjá í spilaranum hér að ofan.
