Guðjón Þórðarson, þjálfari Víkings Ó., gaf kost á sér í viðtal eftir 2-2 jafntefli gegn Grindavík í Lengjudeild karla í dag.
Gestirnir frá Grindavík komust í tveggja marka forystu en Ólsarar jöfnuðu í síðari hálfleik og komust nálægt því að stela sigrinum, en þeir léku manni fleiri síðasta hálftímann.
„Við byrjuðum ekki vel en breyttum uppstillingunni. Það var karakter í liðinu, við komum til baka og náðum að jafna. Þegar þú horfir á síðustu mínúturnar í leiknum ertu óhress með að hafa ekki náð öllum þremur stigunum," sagði Gaui, sem var ekki sáttur með ákvörðun dómarans að flauta leikinn af þegar Gonzalo Zamorano var í skotfæri.
„Það er mjög sérstök ákvörðun. Hann gefur fjórar mínútur og telur akkurat fjórar mínútur og stoppar. Undir flestum kringumstæðum eru menn að láta sóknina klárast, mér fannst hann of fljótur á sér."
Gaui hrósaði Michael Newberry fyrirliða sínum fyrir frábæra frammistöðu í dag. Miðvörðurinn byrjaði í hjarta varnarinnar en var svo færður á miðjuna og gerði frábærlega þar.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir