| mið 13. október 2021 21:32 |
|
Topp tíu - Bestu kaupin í enska
Cristiano Ronaldo er auðvitað á listanum
Það var nóg af félagaskiptum í sumar og margir komið á óvart en það má sjá topp tíu kaupin til þessa hér fyrir neðan. Ert þú sammála þessum lista?
10. Jack Grealish (Man City) - Keyptur fyrir 100 milljónir punda frá Aston Villa. Hefur staðið sig ágætlega í byrjun leiktíðar og verður bara betri.
9. Hwang Hee-Chan (Wolves) - Kom til Wolves frá Leipzig á lokadegi gluggans. Skorað þrjú mörk í aðeins fimm skotum og lofar góðu fyrir Úlfana.
8. Romelu Lukaku (Chelsea) - Fékk loksins að upplifa drauminn og skora fyrir Chelsea. Keyptur frá Inter fyrir tæpar 100 milljónir punda og skorað þrjú mörk í sex deildarleikjum.
7. Kristoffer Ajer (Brentford) - Það er talað um marga í Brentford-liðinu en Ajer hefur verið frábær í þriggja manna vörn liðsins. Kom frá Celtic fyrir einungis 13 milljónir punda og á hverja góðu frammistöðuna á fætur annarri.
6. Marc Cucurella (Brighton) - Annar ódýr demantur og verið í lykilhlutverki hjá Brighton. 15 milljónir punda er ekkert fyrir þessi gæði.
5. Demarai Gray (Everton) - Það er eiginlega ótrúlegt að Everton hafi aðeins greitt 1,7 milljónir punda fyrir Gray. Kom frá Leverkusen og er þegar kominn með 3 mörk og stoðsendingu í sjö leikjum. Virkilega spennandi leikmaður.
4. Aaron Ramsdale (Arsenal) - Stolið sætinu af Bernd Leno. Þetta er einn besti markvörðurinn í deildinni í dag og aðeins fengið á sig eitt mark í þeim fjórum leikjum sem hann hefur spilað.
3. Conor Gallagher (Crystal Palace) - Yfirburðaleikmaður á miðsvæði Palace. Er á láni frá Chelsea og gæti hann ekki beðið um betri leiðsögn en frá Patrick Vieira.
2. Andros Townsend (Everton) - Kom á frjálsri sölu frá Burnley og þetta virðist vera ein bestu kaup tímabilsins til þessa. Þrjú mörk og tvær stoðsendingar. Kemur með lif í sóknarleik Everton.
1. Cristiano Ronaldo (Man Utd) - Stærstu félagaskipti gluggans og ef það er einhver sem þrífst undir pressu þá er það Ronaldo. Þrjú mörk fyrir liðið og hefur hugarfar hans smitast í aðra leikmenn.
Athugasemdir
