Maresca sagði á fréttamannafundi í desember frá því að hann hefði upplifað verstu 48 klukkustundir ferilsins eftir sigur á Everton. Heimildarmenn vilja meina að rifist hafi verið um hvernig Marseca höndlaði leikmenn sem væru að snúa aftur meiðsli. Maresca á að hafa farið gegn ráðleggingum læknateymisins.

Eftir að tveir ónefndir leikmenn meiddust aftur eftir að hafa snúið til baka þá tóku ráðamenn sig til og settu Ástralann Bryce Cavanagh á varamannabekkinn þegar liðið spilaði. Það var gert svo Cavanagh myndi minna Maresca á fyrirfram samþykkta tímapunkta varðandi skiptingar. Leikmenn ættu ekki að spila allar 90 mínúturnar og ekki fleiri en ákveðið margar mínútur þegar þeir væru að snúa aftur.

Sagt er frá því að Cavanagh hafi í sumum tilfellum þó ráðlagt Maresca að sumir leikmenn gætu spilað lengur eftir að hafa fylgst með þeim og þróun þeirra í leiknum. Cavanagh sat ekki við hlið Maresca en var á svæðinu og sýnilegur. Sagt er frá því að hann hafi fyrst verið á bekknum 20. desember gegn Newcastle, viku eftir að Maresca lét fyrst óángæju sína í ljós.

Sambandið við ráðamenn var stirt og Maresca fékk skeyti til að minna á hverjar hans skyldur væru. Þetta er þó ekki eina ástæðan fyrir slæmu sambandi því það var ekki mikil ánægja þegar Maresca lét Chelsea vita að hans umboðsaðilar hefðu rætt við Manchester City og Juventus í október og desember.