Hér er um gríðarlega mikilvægan slag að ræða, þar sem Man City getur sett níu fingur á Englandsmeistaratitilinn með sigri.

Tottenham þarf sigur í baráttunni um meistaradeildarsæti, en það eru eflaust blendnar tilfinningar hjá stuðningsmönnum liðsins sem vilja ekki gera erkifjendum sínum í Arsenal greiða í titilbaráttunni.

Bæði lið tefla fram sínum sterkustu byrjunarliðum, þar sem Ange Postecoglou gerir þrjár breytingar á liðinu sem lagði Burnley að velli um helgina.

Radu Dragusin kemur inn í varnarlínuna á meðan Rodrigo Bentancur og Pierre-Emile Höjbjerg fara á miðjuna. Oliver Skipp og Dejan Kulusevski setjast á bekkinn en Yves Bissouma er meiddur.

Bissouma bætist á langan meiðslalista sem inniheldur meðal annars Richarlison, Timo Werner og Destiny Udogie.

Pep Guardiola gerir eina breytingu á ógnarsterku liði Man City sem rúllaði yfir Fulham í síðustu umferð og hefur verið á fleygiferð á undanförnum vikum.

Kyle Walker kemur inn í byrjunarliðið fyrir Nathan Aké sem sest á bekkinn, en City er ekki að glíma við nein meiðslavandræði og er með gífurlega öflugan varamannabekk.

Tottenham: Vicario, Porro, Romero, Dragusin, Van de Ven, Höjbjerg, Bentancur, Sarr, Maddison, Son, Johnson
Varamenn: Austin, Royal, Skipp, Hall, Lo Celso, Bryan, Kulusevski, Moore, Scarlett

Man City: Ederson, Walker, Akanji, Dias, Gvardiol, Rodrigo, Kovacic, De Bruyne, B. Silva, Foden, Haaland
Varamenn: Ortega, Moreno, Stones, Ake, Grealish, Doku, Alvarez, Nunes, Bobb, Lewis