Brasilísku landsliðsfélagarnir Gabriel Martinelli og Richarlison áttust við í Norður-Lundúnaslagnum um helgina þar sem Arsenal hafði betur gegn Tottenham.
Martinelli var í byrjunarliði Arsenal en Richarlison byrjaði á bekknum hjá Tottenham. Staðan var 0-2 fyrir Arsenal þegar Martinelli stillti boltanum upp til að taka hornspyrnu og var Richarlison að hita upp nálægt honum. Martinelli ákvað að teygja sig til Richarlison og heilsa uppá hann en Richarlison neitaði að taka í höndina og uppskar fagnaðarlæti frá stuðningsmönnum.
Richarlison og Martinelli áttu eftir að kítast lítillega í leiknum eftir að Richarlison var skipt inná, en lokatölur urðu 0-2 og er Arsenal óvænt með átta stiga forystu á toppi úrvalsdeildarinnar, þegar 18 umferðir eru búnar af 38.
Richarlison var í sviðsljósinu að leikslokum eftir tapið. Hann var ósáttur með látbragð Aaron Ramsdale, markvarðar Arsenal, og veittist að honum. Í kjölfarið brutust út hálfgerð átök, þar sem áhorfanda tókst að sparka í bakið á Ramsdale.
Mikel Arteta, knattspyrnustjóri Arsenal, rölti með Ramsdale burt frá látunum en á leiðinni sá hann Granit Xhaka, varafyrirliða Arsenal, skokka í áttina að átökunum.
Arteta hefur áttað sig á því í hvað stefndi því hann sleppti takinu á Ramsdale umsvifalaust til að spretta á eftir Xhaka og stoppa hann frá því að ráðast á andstæðingana sína.
Þessi skemmtilegu atvik má sjá hér fyrir neðan.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 37 | 25 | 7 | 5 | 69 | 26 | +43 | 82 |
| 2 | Man City | 36 | 23 | 8 | 5 | 75 | 32 | +43 | 77 |
| 3 | Man Utd | 37 | 19 | 11 | 7 | 66 | 50 | +16 | 68 |
| 4 | Aston Villa | 37 | 18 | 8 | 11 | 54 | 48 | +6 | 62 |
| 5 | Liverpool | 37 | 17 | 8 | 12 | 62 | 52 | +10 | 59 |
| 6 | Bournemouth | 36 | 13 | 16 | 7 | 56 | 52 | +4 | 55 |
| 7 | Brighton | 37 | 14 | 11 | 12 | 52 | 43 | +9 | 53 |
| 8 | Brentford | 37 | 14 | 10 | 13 | 54 | 51 | +3 | 52 |
| 9 | Sunderland | 37 | 13 | 12 | 12 | 40 | 47 | -7 | 51 |
| 10 | Chelsea | 36 | 13 | 10 | 13 | 55 | 49 | +6 | 49 |
| 11 | Newcastle | 37 | 14 | 7 | 16 | 53 | 53 | 0 | 49 |
| 12 | Everton | 37 | 13 | 10 | 14 | 47 | 49 | -2 | 49 |
| 13 | Fulham | 37 | 14 | 7 | 16 | 45 | 51 | -6 | 49 |
| 14 | Leeds | 37 | 11 | 14 | 12 | 49 | 53 | -4 | 47 |
| 15 | Crystal Palace | 37 | 11 | 12 | 14 | 40 | 49 | -9 | 45 |
| 16 | Nott. Forest | 37 | 11 | 10 | 16 | 47 | 50 | -3 | 43 |
| 17 | Tottenham | 36 | 9 | 11 | 16 | 46 | 55 | -9 | 38 |
| 18 | West Ham | 37 | 9 | 9 | 19 | 43 | 65 | -22 | 36 |
| 19 | Burnley | 37 | 4 | 9 | 24 | 37 | 74 | -37 | 21 |
| 20 | Wolves | 37 | 3 | 10 | 24 | 26 | 67 | -41 | 19 |
