Juric: Vorum eins og saklaus börn

„Við spiluðum mjög vel í 75-80 mínútur. Við vorum ekki með hugarfarið í að vinna leikinn. Það eru augnablik þar sem menn þurfa að vera sniðugir og áræðnir í að gera ákveðna hluti. Við vorum eins og saklaus börn á ákveðnum tímapunktum og töpuðum leik sem við stjórnuðum í 75 mínútur," sagði Juric.

„Við fengum mjög góð færi í fyrri hálfleik og áttum að skora meira. Við byrjuðum seinni hálfleikinn mjög vel og Kamaldeen Sulemana fékk færi ásamt fleirum. Við skoruðum bara eitt og það er ekki nógu gott. Strákarnir eru að leggja hart að sér en við þurufm að gera betur til að halda ákefðinni."

„Ég verð reiður í kvöld en frá og með morgundeginum verðum við að hugsa um Nottingham Forest. Leikmennirnir verða að vera meðvitaðir um það að þeir geta verið samkeppnishæfir og spilað vel," sagði Juric að lokum.