Einar Örn Harðarson er búinn að framlengja samning sinn við Fjölni til tveggja ára.
Einar Örn er uppalinn hjá FH og gekk til liðs við Fjölni í annað sinn á ferlinum í fyrra, eftir að hafa verið lánaður í Grafarvoginn hluta sumars 2019.
Einar spilaði 17 leiki er Fjölnir féll úr Lengjudeildinni í fyrra eftir að hafa komið til félagsins frá Þrótti Vogum.
Hann ætlar því að taka slaginn með Fjölni í 2. deild næsta sumar.
„Það er virkilega ánægjulegt að Einar Örn hafi skrifað undir nýjan samning, hann er einn af leiðtogum liðsins. Hann kemur inn í liðið með áræðni, reynslu og mikla yfirvegun sem á eftir að nýtast okkur vel á komandi tímabili," sagði Gunnar Már Guðmundsson, þjálfari Fjölnis, við undirskriftina.
Athugasemdir
