Fanndís með dóttur sinni.
Fanndís Friðriksdóttir hefur opinberað að hún eigi von á sínu þriðja barni með Eyjólfi Héðinssyni. Bæði léku þau með landsliðum Íslands í fótbolta.
„Á eftir bolta kemur barn," skrifar Fanndís við mynd á Instagram en myndina má sjá hér fyrir neðan.
„Á eftir bolta kemur barn," skrifar Fanndís við mynd á Instagram en myndina má sjá hér fyrir neðan.
Fanndís lagði nýverið skóna á hilluna eftir afar farsælan feril. Fanndís, sem er 35 ára, var sóknarsinnaður leikmaður sem þreytti frumraun sína í meistaraflokki fyrir 20 árum síðan.
Hún er ein af einungis þrettán leikmönnum Íslands sem hafa spilað yfir 100 landsleiki, en alls á Fanndís að baki 110 A-landsleiki og skoraði í þeim 17 mörk. Hún lék sinn síðasta landsleik síðastliðið sumar eftir að hafa eignast tvö börn.
Fanndís lék með Breiðabliki, Kolbotn, Arna-Björnar, Marseille, Val og Adelaide United á sínum ferli. Fanndís varð fimm sinnum Íslandsmeistari og þrisvar bikarmeistari.
Við á Fótbolta.net óskum þeim innilega til hamingju með tíðindin.
Athugasemdir
