Íslenski landsliðsmiðjumaðurinn Birkir Bjarnason hefur undirritað þriggja mánaða samning við Al-Arabi í Katar.

Hans hlutverk verður að fylla skarðið sem Aron Einar Gunnarsson skilur eftir sig hjá liðinu á meðan hann er meiddur.

Birkir, sem hefur fengið númerið 67 hjá Al-Arabi, verður því að öllu óbreyttu aftur mættur á leikmannamarkaðinn í janúar.

Heimir Hallgrímsson fyrrum þjálfari íslenska landsliðsins er þjálfari Al-Arabi. Liðið er í 2. sæti deildarinnar í Katart eftir fimm leiki, aðeins stigi á eftir Al Duhail.

Birkir hefur verið félagslaus undanfarna mánuði en leikið fyrir íslenska landsliðið og átti mjög flotta leiki gegn Frakklandi og Andorra á dögunum.