Tíurnar öflugu Brahim Díaz og Sadio Mané mættust í úrslitaleiknum.
Úrslitaleikur Afríkukeppninnar er gjörsamlega ótrúlegur en lokatölur eftir venjulegan leiktíma eru 0-0.
Marokkó fékk dæmda afar umdeilda vítaspyrnu seint í uppbótartímanum og mótmæltu leikmenn Senegal hástöfum.
Senegalar voru gjörsamlega brjálaðir yfir ákvörðun Jean-Jacques Ndala dómara um að dæma vítaspyrnu eftir að hafa skoðað atvikið í VAR-skjánum. Þeir neituðu að leyfa heimamönnum í liði Marokkó að taka spyrnuna og gengu af velli.
Sadio Mané varð eftir á vellinum og reyndi að hvetja liðsfélagana til að koma aftur en þær tilraunir báru ekki árangur fyrr en rúmum tíu mínútum síðar. Leikmenn Senegal gengu aftur á völlinn og fór Brahim Díaz, leikmaður Real Madrid, á vítapunktinn fyrir Marokkó.
Díaz hefði getað orðið algjör þjóðarhetja með því að skora en hann tók svokallaða Panenka vítaspyrnu sem Édouard Mendy markvörður Senegal greip. Ndala flautaði leikinn af í kjölfarið og hefst framlengingin von bráðar.
Sjáðu atvikið.
18.01.2026 21:15
Senegalar komnir aftur á völlinn
Athugasemdir
