Argentínumaðurinn Nico Paz skoraði tvö er Como vann öruggan 3-0 sigur á Lazio í Seríu A á Ítalíu í kvöld.
Paz kom til Como frá Real Madrid árið 2024 og verið einn af bestu mönnum ítölsku deildarinnar.
Liðsfélagi hans, Martin Baturina, kom Como á bragðið á 2. mínútu með skoti sem fór af varnarmanni og í netið áður en Paz tvöfaldaði forystuna með skoti af stuttu færi.
Hann gat gert annað mark sitt nokkrum mínútum síðar er Kenneth Taylor braut á Maxence Caqueret í teignum, en Ivan Provedel varði vítaspyrnu Paz.
Argentínumaðurinn lét það ekki á sig fá og skoraði annað mark sitt í byrjun síðari hálfleiks með frábæru skoti eftir laglega hælsendingu frá Baturina.
Paz hefur komið að fjórtán mörkum í 21 deildarleik með Como á tímabilinu, en erlendir fjölmiðlar fullyrða að Real Madrid hafi tekið ákvörðun um að nýta endurkaupsréttinn sem er um 9 milljónir evra.
Sigur Como þægilegur en liðið er í 6. sæti, sem gefur þátttökurétt í Sambandsdeildina, fimm stigum á undan Atalanta sem er í 7. sætinu. Lazio er í 9. sæti með 28 stig.
Nýliðar Cremonese gerðu markalaust jafntefli við Hellas Verona á heimavelli.
Hvorugu liðinu tókst að skapa sér það sem mætti kalla algert dauðafæri en þau áttu þó bæði nokkrar ágætis tilraunir. Fyrrum Leicester-maðurinn Jamie Vardy átti meðal annars skot við miðju sem sveif rétt yfir markið.
Markalaust jafntefli meira en sanngjarnt. Cremonese er í 12. sæti með 23 stig en Verona í neðsta sæti með 14 stig.
Ítalski boltinn er á Livey en hægt er að tryggja sér áskrift með því að smella á tengilinn
Cremonese 0 - 0 Verona
Lazio 0 - 3 Como
0-1 Martin Baturina ('2 )
0-2 Nico Paz ('24 )
0-2 Nico Paz ('35 , Misnotað víti)
0-3 Nico Paz ('49 )
Stöðutaflan
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 25 | 20 | 1 | 4 | 60 | 21 | +39 | 61 |
| 2 | Milan | 25 | 15 | 9 | 1 | 41 | 19 | +22 | 54 |
| 3 | Napoli | 25 | 15 | 5 | 5 | 38 | 25 | +13 | 50 |
| 4 | Roma | 25 | 15 | 2 | 8 | 31 | 16 | +15 | 47 |
| 5 | Juventus | 25 | 13 | 7 | 5 | 43 | 23 | +20 | 46 |
| 6 | Como | 25 | 11 | 9 | 5 | 39 | 19 | +20 | 42 |
| 7 | Atalanta | 25 | 11 | 9 | 5 | 34 | 21 | +13 | 42 |
| 8 | Bologna | 25 | 9 | 6 | 10 | 34 | 32 | +2 | 33 |
| 9 | Lazio | 25 | 8 | 9 | 8 | 26 | 25 | +1 | 33 |
| 10 | Sassuolo | 25 | 9 | 5 | 11 | 29 | 35 | -6 | 32 |
| 11 | Udinese | 25 | 9 | 5 | 11 | 28 | 38 | -10 | 32 |
| 12 | Parma | 25 | 7 | 8 | 10 | 18 | 31 | -13 | 29 |
| 13 | Cagliari | 25 | 7 | 7 | 11 | 28 | 35 | -7 | 28 |
| 14 | Torino | 25 | 7 | 6 | 12 | 25 | 44 | -19 | 27 |
| 15 | Genoa | 25 | 5 | 9 | 11 | 29 | 37 | -8 | 24 |
| 16 | Cremonese | 25 | 5 | 9 | 11 | 21 | 33 | -12 | 24 |
| 17 | Lecce | 25 | 6 | 6 | 13 | 17 | 31 | -14 | 24 |
| 18 | Fiorentina | 25 | 4 | 9 | 12 | 29 | 39 | -10 | 21 |
| 19 | Pisa | 25 | 1 | 12 | 12 | 20 | 42 | -22 | 15 |
| 20 | Verona | 25 | 2 | 9 | 14 | 19 | 43 | -24 | 15 |
Athugasemdir



