Þorleifur flytur aftur til Bandaríkjanna (Staðfest)
Mynd: Breiðablik
Mynd: Breiðablik
Þorleifur Úlfarsson er fluttur aftur til Bandaríkjanna þar sem hann er búinn að skrifa undir samning við Loudoun United.
TENGT EFNI
Þorleifur yfirgefur Breiðablik og fer til Bandaríkjanna
Þorleifur er 25 ára sóknarleikmaður sem gerði frábæra hluti með Duke háskólanum áður en hann fékk samning hjá Houston Dynamo í bandarísku MLS deildinni.
Á Íslandi ólst hann upp hjá Breiðabliki og Stjörnunni og snéri aftur til Breiðabliks í fyrra eftir misheppnaða dvöl hjá Debrecen í Ungverjalandi.
Þorleifur var að glíma við mikil meiðslavandræði í Ungverjalandi og var að jafna sig á meiðslunum eftir komuna til Íslands. Hann var frá keppni í rúmt ár en núna hefur hann nýjan kafla í Bandaríkjunum þar sem hann vonast til að takast að forðast frekari meiðsli.
Loudoun United leikur í USL deildinni og var skráð sem varalið fyrir D.C. United þar til fyrir þremur árum.
Loudoun endaði í 6. sæti USL deildarinnar í fyrra og tapaði afar naumlega fyrir North Carolina í fyrstu umferð úrslitakeppninnar.
