Hún byrjaði á bekknum gegn SGS Essen en átti rosalega innkomu og lagði upp mark.

Hún átti það steka innkomu að hún er í liði helgarinnar hjá Elfen Magazin sem fjallar alfarið um úrvalsdeild kvenna í Þýskalandi. Sveindís er þar í liðinu ásamt tveimur liðsfélögum sínum; þýsku landsliðskonunni Alexöndru Popp og Ewu Pajor sem gerði tvö mörk í leiknum.

Þessi tæplega hálftími sem Sveindís spilaði var nóg til að skila henni í lið 1. umferðar.

Sveindís er núna á sínu öðru tímabili með Wolfsburg sem vann bæði þýsku deildina og þýska bikarinn á síðustu leiktíð. Það verður gaman að sjá hana halda áfram að þróa sinn leik.

Sjá einnig:
Hvað þarf Sveindís að gera til þess að verða best í heimi?