Höbinger (í hvítu treyjunni) í leik með austurríska landsliðinu.
Eltihrellir hefur verið dæmdur í tveggja ára nálgunarbann og átján mánaða samfélagsþjónustu fyrir að ofsækja Marie Höbinger, leikmann kvennaliðs Liverpool og austurríska landsliðsins.
Eltihrellirinn heitir Mangal Dalal, er 42 ára, og hafði sent Höbinger kynferðisleg skilaboð á Instagram, sagst vilja eignast börn með henni og sent myndir af nærfötum sínum.
Dalal er tveggja barna faðir, búsettur í London, og játaði sekt sína í dómshúsi í Liverpool í desember.
Eltihrellirinn heitir Mangal Dalal, er 42 ára, og hafði sent Höbinger kynferðisleg skilaboð á Instagram, sagst vilja eignast börn með henni og sent myndir af nærfötum sínum.
Dalal er tveggja barna faðir, búsettur í London, og játaði sekt sína í dómshúsi í Liverpool í desember.
Ofsóknir hans höfðu áhrif á daglegt líf Höbinger og frammistöðu hennar innan vallarins. Fyrir dómi sagðist hún hafa glímt við kvíða og átt erfitt með svefn. Hún búi ein og þegar hún hafi heyrt eitthvað hljóð hafi hún óttast að Dalal hefði komist að því hvar hún ætti heima.
Dalal fór á leik með Liverpool í Manchester í febrúar síðastliðnum og sást við völlinn eftir leikinn. Í dómstólnum kom fram að hann hefði viðurkennt þetta í lögregluyfirheyrslu en bar fyrir sér andlegum veikindum.
Athugasemdir
