Pape Thiaw skipaði liði sínu að yfirgefa völlinn.
Pape Thiaw, landsliðsþjálfari Senegals, gæti fengið bann og misst af HM í sumar eftir ótrúlega uppákomu í úrslitaleik Afríkukeppninnar á sunnudag.
Marokkó fékk vafasama vítaspyrnu í uppbótartíma venjulegs leiktíma og Thiaw skipaði sínu liði að yfirgefa völlinn í mótmælaskyni. Allt var á suðupunkti á leikvangnum og dramatíkinni alls ekki lokið.
Þegar leikmenn skiluðu sér loks aftur á völlinn þá brenndi Marokkó af vítinu og Senegal tryggði sér svo sigur með því að skora eina mark leiksins í framlengingu.
Marokkó fékk vafasama vítaspyrnu í uppbótartíma venjulegs leiktíma og Thiaw skipaði sínu liði að yfirgefa völlinn í mótmælaskyni. Allt var á suðupunkti á leikvangnum og dramatíkinni alls ekki lokið.
Þegar leikmenn skiluðu sér loks aftur á völlinn þá brenndi Marokkó af vítinu og Senegal tryggði sér svo sigur með því að skora eina mark leiksins í framlengingu.
Thiaw mun líklega fá bann fyrir hegðun sína og næsti mótsleikur nýkrýndra Afríkumeistara verður á HM í sumar, gegn Frakklandi í New York. Næsti leikur liðsins þar á eftir verður svo gegn Noregi.
Gianni Infantino, forseti FIFA, var viðstaddur úrslitaleikinn á sunnudag og sagði að svona uppákoma mætti aldrei endurtaka sig aftur. Agadómstóll þyrfti að senda skýr skilaboð.
Athugasemdir
